Archive for month: 4 сар, 2018
Reload document 
Open in new tab 
ХӨГЖМИЙН ЭГШИГ-2018 УРАЛДААН БОЛЖ ӨНГӨРЛӨӨ
Дуу Бүжгийн Боржигин чуулгын Хөгжим ангийн “Хөгжмийн эгшиг-2018” бүсийн уралдаан амжилттай зохион явагдаж өнгөрлөө. Тус уралдаанд Говьсүмбэр аймгийн 1, 2, 5-р сургууль, Өмнөговь аймгийн Даланзадгад, ЦогтЦэций, Цогт-овоо, Ханхонгор, Гурвансайхан, Дорноговь аймгийн Сайншанд, Замын -үүд, Дундговь аймгийн Сайнцагаан, Төв аймгийн Алтанбулаг сумын нийт 168 хүүхэд, 5 аймгийн 20 гаруй багш нар оролцлоо. Уралдааны шүүгчээр СУИС-ийн Хөгжмийн урлагийн сургуулийн доктурант МУСТА Ж.Мөнхбат, СУИС-ийн Хөгжмийн урлагийн сургуулийн магистер МУСТА М.Цэнгэлсайхан, Боржигин чуулгын Хөгжмийн удирдаач М.Амгаланжаргал нар шүүн явууллаа.
Тус уралдааны концертмейстер багшаар МУ-ын Консерваторын концертмейстер багш И.Сундуй ажиллаа.
“Хөгжмийн эгшиг-2018” бүсийн уралдааны
Бага насны төрөлд Тэргүүн байранд Дорноговь аймгийн сурагч Баярцэнгэл,
Дэд байранд ГСА-ийн сурагч Э.Халиун,
Гутгаар байранд Дорноговь аймгийн Б.Есүй,
Дунд насны ангилалд Тэргүүн байрыг Өмнөговь аймгийн сурагч Б.Энхжин,
Дэд байранд Дорноговь аймгийн сурагч Энхжин,
Гутгаар байранд Өмнөговь аймгийн Ханхонгор сумын сурагч Г.Мөнхсүлд,
Ахлах насны ангилалд Тэргүүн байрыг Дорноговь аймгийн сурагч Сувд-эрдэнэ,
Дэд байрыг Өмнөговь аймгийн сурагч Энхчимэг,
Гутгаар байрыг Өмнөговь аймгийн Ханхонгор сумын сурагч Сайнзаяа,
Хамтлаг хөгжмийн Тэргүүн байранд Дорноговь аймгийн “Болор эгшиглэн” хамтлаг,
Дэд байранд Өмнөговь аймгийн Ханхонгор сумын “Угсаатан” хамтлаг,
Гутгаар байранд Өмнөговь аймгийн “Гурван сайхны эгшиглэн” хамтлаг тус тус шалгарлаа.
Тус уралдааны “ШИЛДЭГ БАГШ”-аар Өмнөговь аймгийн багш Б.Мөнхбаяр тодорлоо. Уралдаанд оролцсон нийт сурагчдадаа дурсгалын “Алтан медаль” гардууллаа.
Уралдаанд амжилттай оролцсон 4 авъяаслаг хүүхдэд СУИС-ийн “Бадмаараг ахлах” сургуульд элсэн орох эрхийн бичгийг гардууллаа.
Их соёл-Эх үндэс хөтөлбөрийн хүрээнд ЕБС-ийн багш нарт сургалт зохион байгууллаа
МУБИС-ын эрдэмтэн, багш нарын багийг урьж, Говьсүмбэр аймгийнхаа 5 сургуулийн 200-гаад багш, сурган хүмүүжүүлэгчдэд бүтэн өдрийн сургалт зохион байгууллаа. Урилгыг хүлээн авч, багш нарт маань үнэтэй мэдлэг, арга ухаанаасаа зааж сургасан.
МУБИС-ийн НХУС-ийн Монгол судлалийн төвийн эрхлэгч, Монгол улсын ардын багш, Хэл бичгийн шинжлэх ухааны доктор, профессор Ц.Өнөрбаян,
Насан туршийн боловсрол, Зайн сургалтын тэнхимийн эрхлэгч, Боловсрол судлалын ухааны доктор Д.Оюунбилэг,
НХУС-ийн Нийгмийн ухааны тэнхимийн эрхлэгч, Философийн ухааны доктор, дэд профессор Т.Нэмэхжаргал,
БС-ийн Математик, байгалийн ухааны тэнхимийн эрхлэгч, Боловсрол судлалын ухааны доктор Б.Түмэнцэцэг,
МБУС-ийн Математикийн тэнхимийн ахлах багш Л.Даваажаргал,
НХУС-ийн Англи хэлний тэнхимийн ахлах багш Ц.Даваабаяр,
БСШУСЯ-ны Боловсролын Хүрээлэнгийн захирал М.Итгэл нартаа хувиасаа болон нийт Говьсүмбэрчүүдийн нэрийн өмнөөс чин сэтгэлийн талархал илэрхийлье.
Энэхүү сургалтад Монгол улсын ардын багш, Хэл бичгийн шинжлэх ухааны доктор, профессор Ц.Өнөрбаян багш маань “Багш, шавийн барилдлага” сэдвээр, Насан туршийн боловсрол, Зайн сургалтын тэнхимийн эрхлэгч, Боловсрол судлалын ухааны доктор Д.Оюунбилэг багш маань “Багшлах үйл, багшийн мэргэжил” сэдвээр лекц уншлаа.
Түүнчлэн Монгол хэл, бичиг, математик физик, хими биологи, нийгэм түүх, гадаад хэл, бага ангийн багшийн заах арга зүй гэсэн 6 чиглэлийн судлагдахуунаар хичээл явагдлаа.
Нээлтийн үеэр Боржигин чуулгын хамт олон Г.Мөнхцэцэгийн үг, хөгжмийн зохиолч Цэн.Эрдэнэбат аяыг бүтээсэн “Хувьтай нутаг” дуугаа өргөлөө.
“Гэгээн алсын одод – 2016” олон улсын хүүхдийн наадмын тэргүүн байрын шагналт Шивээн ганхаа-1, 2, 3 бүжгийн хамтлагууд, UBS телевизээс зохион байгуулсан хүүхдийн бүжгийн уралдааны шилдэг 25 оролцогчийн шагналт “Жанжин чойр” хамтлагийн авьяаслаг хүүхдүүд маань нийт багш нартаа уран бүтээлийн гайхалтай сайхан бэлэг барив.
Мөн ерөнхий боловсролын сургуулиудад тоног, төхөөрөмж техник хэрэгсэл олгох батламжийг гардуулан өгсөн.
Mongolian