“Эрэлхэг Эльф Маранта ” Хүүхдийн жүжиг

ДУУ БҮЖГИЙН БОРЖИГИН ЧУУЛГЫН “Эрэлхэг Эльф Маранта ” Хүүхдийн жүжиг

Зорилго:

1. Дуу бүжгийн боржигин чуулга шинээр тавигдаж буй уран бүтээлээ сонгохдоо эх байгаль дэлхийгээ хайрлан хамгаалах саналыг дэвшүүлсэн уран бүтээлийг сонгон туурвиж байна. Тогтвортой хөгжлийн боловсролыг таниулах, Эко байгалаа хайрлан хамгаалах асуудлыг хүүхэд багачууд, эцэг эх, ард иргэдэд ойлгуулах.
2. Техник технологи хөгжсөн эрин зуунд амьдарч байгаа хүүхэд багачууд цахим орчин, гар утас гэх мэт хийсвэрт ертөнцөөр аялж, сонирхож буй зүйлээ олж үзэж амьд харилцаа байхгүй болж байгаа тул үүнийг багасгаж бага ч болов хувь нэмэр оруулж тайзан дээрээс хүүхдийн жүжгээ үзэж, хамтдаа жүжгийн баатаруудтай  ярилцаж нэг зүйлийг ч болов ойлгож ухамсарлуулах зорилготой.

Жүжгийн баг, бүрэлдэхүүн:

1. Жүжгийн зохиол – Г.Мишээл.
2. Жүжгийн ерөнхий найруулагч – Дуу Бүжгийн Боржигин Чуулгын ерөнхий найруулагч Т.Батсэрээтэр
3. Жүжгийн хөгжим – Дуу Бүжгийн Боржигин Чуулгын хөгжимийн удирдаач МУСТА М.Амгаланжаргал.
4. Тайзны зураач – М.Өнөболд.
5. Жүжгийн ерөнхий продюсер,- Дуу Бүжгийн Боржигин Чуулгын захирал МУСТА Ц.Цэнджав, Уран сайханы удирдагч МУСТА О.Цэрэнжаргал.
6. Жүжгийн дууны найруулга, мастеринг – Дуу Бүжгийн Боржигин Чуулгын хөгжимчин МУСТА  Д.Ганболд
7. Дууны багш- Дуу Бүжгийн Боржигин Чуулгын Вокалын багш МУСТА Э.Түмэндэлгэр.
8. Жүжгийн бүжиг дэглээч – Дуу Бүжгийн Боржигин Чуулгын бүжигчин МУСТА З.Дашням
9. Жүжгийн эх бэлтгэгч, дизайнер – Гэрэл сүүдэр студын захирал Л.Баатарцогт.
10. Жүжгийн хувцасны оёдолчин- З.Билэгбаяр.
11. Дууны технигч- Жамбалсүрэн.
12. Гэрэлийн техникч- А.Отгонбаатар.
13. Маркетингын менежер- Б. Мөнхзул,

“Эрэлхэг Эльф Маранта ”-хүүхдийн жүжиг нь.

2017-оны хүүхдийн жүжгийн улсын уралдааны 2-рт шалгарсан Г.Мишээлийн зохиол “Торинхилийн ой” жүжгийг сонгон авч, уран бүтээлийн санд  шинээр аван 2019-06-сард 21,804,725 төгрөгөөр тавиж  хүүхэд багачуудын хүртээл болгосон.

2019-06-сарын -01,02нд Дэлхийн зөн олон улсын байгууллага Бор-өндөр 1 салбар,Говьсүмбэр аймгийн Хүүхэд гэр бүл хөгжлийн газаруудтай хамтран хүүхэд багачууддаа 2 удаагийн тоглолтоор 600 хүүхдүүдэд жүжгээ үзүүлж тоглосон.

Говьсүмбэр аймгийн ерөнхий боловсролын сургуул, цэцэрлэгийн 850 гаруй хүүхдүүд үзэж сонирхсон.